சிறிய கோயில், சுவாமியும், அம்பிகையும் சிறிய வடிவத்தில் அருள்பாலிக்கின்றனர். கல்வெட்டுக்களில் இத்தலத்து இறைவனின் பெயர் 'பொற்குடம் கொடுத்தருளிய நாயனார்' என்று உள்ளது. இதன் வரலாறு எதுவும் கிடைக்கவில்லை. இப்பெயரே சமஸ்கிருதத்தில் 'சொர்ணகடேஸ்வரர்' என்று அழைக்கப்படுகிறது. சனகாதி முனிவர்கள் இத்தலத்து இறைவனை வழிபட்டுள்ளனர்.

இக்கோயிலில் விநாயகர், முருகப்பெருமான், சண்டேஸ்வரர் உள்ளிட்ட மூர்த்தங்கள் மிக அழகாக அமைந்துள்ளன. இக்கோயிலில் தேவார மூவர்களில் ஒருவரான சம்பந்தர் கையில் தாளம் இன்றியும், சுந்தரர் நடனக் கோலத்திலும் காட்சி தருகின்றனர்.

திருஞானசம்பந்தர் ஒரு பதிகம் பாடியுள்ளார். காலை 7 மணி முதல் 12 மணி வரையிலும், மாலை 5 மணி முதல் 8 மணி வரையிலும் நடை திறந்திருக்கும். தொடர்புக்கு : 9486282952, 04149-291786